عيال اليومين دول.....هههههههههههههه
4 مشترك
صفحة 1 من اصل 1
عيال اليومين دول.....هههههههههههههه
خلاص مينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك ؟ ومينفعش تخوف العيل بأبو رجل مسلوخة
لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.
مينفعش تعاقبه بأنك تأومه من أودام فيلم بيحبه وبيتفرج عليه..
لأنه هايشوفه تاني يوم على نفس المحطة الصبح وإنت ف الشغل ويخليك زي قرطاس الجوافة.
عايز تعاقبه
نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبنى آدم.
لما تعوز تدلعه وتكافؤه على تفوقه
مينفعش تجيب له بندقية صيد وكوره وكتب م المكتبة الخضراء والجو القديم ده كله تجيب له( دي اس ال) ممكن تظبطه بويب كام جامده تدخل علية ( بسكرين)
مينفعش لو أبنك سألك عن حاجه منتش عارفها تألفله أى أجابة من دماغك
بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك أقعد معاه ع النت ودور معاه ع الأجابة المظبوطة و بلاش قلة قيمة .
وأوعى تفهم الواد إن الرياضة هى أهلي وزمالك
بلا نيلللللا.. على رأى ماري منيب لأنه دلوقتى عارف لعيبه ريال مدريد والأرسنال وعارف أسعارهم كمان .
وأذا طلب رأيك ف أكلة دليفرى م اللى بياكلوها الأيام دي
أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحنياااد
رد: عيال اليومين دول.....هههههههههههههه
هوة احنا اساسا هنبقي اباهات دانا انت بتحلم
zico- عضو جاااااااااااامد
-
عدد الرسائل : 1119
العمر : 35
تاريخ التسجيل : 12/04/2007
رد: عيال اليومين دول.....هههههههههههههه
دا ايه الابهات الكووووووووووووووووول دول
ما اظنش انك ممكن تكون من الاباهات دى لان كل واحد بيربى ولاده على اللى هو اتربى عليه وانا ما اظنش ان احنا اتربينا على كدا
ما اظنش انك ممكن تكون من الاباهات دى لان كل واحد بيربى ولاده على اللى هو اتربى عليه وانا ما اظنش ان احنا اتربينا على كدا
dodym- عضو جاااااااااااامد
-
عدد الرسائل : 922
العمر : 35
تاريخ التسجيل : 05/11/2007
رد: عيال اليومين دول.....هههههههههههههه
لا برضة يا دودى م هو ماينفعش ان الواحد يربى ابنة بنفس الطريقة اللى هو اتربى بيها ازاى تفهمينى ان طريقة التربية هاتفضل زى ما هيا 20 او 30 سنة وتبقى صح استحالة طبعا وبعدين لازم الواحد يدلع عيالة ويظبطهم كدة عشان مايبقوش اقل من اى حد من زمايلهم ولازم الواحد يكون صاحب ابنة مش خانقة وقارفة فى حياتة
رد: عيال اليومين دول.....هههههههههههههه
لا كل واحد اكيد بيحلم انه يربي ولاده باحسن مهو اتربي ويحقق لهم كل الي هما بيتمنوه
haty- عضو جاااااااااااامد
-
عدد الرسائل : 591
العمر : 41
تاريخ التسجيل : 06/11/2007
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى